* * *
Югыд войыс быттьӧ югыд вӧт, Восьса синмӧн тувсов войыс лэбӧ. Кутшӧм лоӧ аскиыс — ог тӧд: Локтысь луныс лыддьытӧм на небӧг. Мусӧ, гашкӧ, мыськас шоныд зэр, Гашкӧ, лунтыр кутас пӧжны шонді. Аски асыв босьта пила-чер, Муна песла — кражъяла кос конда. Ӧдзӧс вугйӧ коля карнан-тас, Окота мен коми руӧн овны. Сиктса войтыр ставныс меным ас, Напалков — став войтырыслӧн овным. Тані менам пӧль-пӧчӧлӧн вуж, Гожӧм шӧрын ачым тані чужлі. Кыйны-вины сиктад кӧ он куж, Кутшӧм нӧ тэ, сё лешакӧ, мужик. Лун сьӧмӧснас дзижалышта пыж, Важ Эжваысь ботайтышта чери. Пӧсьӧдлас на уджыс менсьым мыш, Шуся кӧть поэт-пенсионерӧн. Рытгорувнас ломта пывсян пач, Лӧдсала, мед лоӧ чӧскыд жара. Корӧсяся мудзтӧдз швуч да швач, Жӧник морт кодь лола сэки бара. ...Мыйлакӧ оз кыскы менӧ карӧ?
Гижысь: 
Гижӧд
Югыд войыс быттьӧ югыд вӧт...
Жанр: 

lkejrlkelkrgner klrjnelknfrkl ekjnrjkenfrej

1