* * *
Кыдзи-й сьӧд няньысь, некор Чужан кывйысь ог умлы. Вердӧм-удӧмсьыд, аттьӧ, Копыр тэд, Коми мулы. Тэнсьыд сынӧдтӧ, парма, Кувтӧдз юны ме кута. Тэнсьыд гыястӧ, Эжва, Строка костъясӧ пукта. Енлӧн куслытӧм сиськыс — Югыд шондіыс — ӧзйӧ, Вылын тювъялысь чикыш Сійӧс кокыштны кӧсйӧ. Сьылысь лэбачлысь, майбыр, Оз зырт олӧмыс муссӧ. Кӧтшас лабичын каньным Мургӧ-шыльӧдӧ уссӧ. Век жӧ, сьӧлӧмын неджӧг: Воштім аскиӧ лача. Миян грезданым олӧм Талун дӧмаса гача. Быттьӧ чоталӧм вӧвъяс, Водзӧ воськовным абу. Кага чужтӧмысь полӧ Ӧні том коми баба. Лолӧ деливӧ сэки, Кодыр юксьӧ том гозъя, Кывбур пыдди кор лыддя Лёка рифмуйтӧм проза. Век жӧ, радейта олӧм, Ассьым чӧс туй и банька. Сӧмын мустӧмта мортӧс, Коді кык бана шаньга.
Гижысь: 
Гижӧд
Кыдзи-й сьӧд няньысь, некор...
Жанр: 

lkejrlkelkrgner klrjnelknfrkl ekjnrjkenfrej

1