ВОЙПЕЛЬ
Войпельыс шутьлялӧ — омлялӧ турӧб, Ывлаас син ни пель — петны оз позь. Гартласьысь тӧвнырыс быттьӧкӧ дурпоп, Став ловъя лолыскӧд нуӧдӧ кось. Весиг дзор тӧлысьсӧ Войпельыд толтіс, Сиктаным йӧрмис и мунны оз письт, Син водзысь сайӧдіс енэжлысь отсӧ, Коскӧдзыс лым пиӧ вӧйтчӧдіс сикт. Атшаліс тӧвнырыд, кок йывсьыс усис, Дзебсис лым толаӧ веськӧдны ун... Мыйлакӧ менам тай сӧмын оз узьсьы: Мый бара-й ваяс мен аскиа лун? Шуда-ӧ, шудтӧм-ӧ аскиа луныс? Водзвывтӧ та йылысь нинӧм он тӧд. Кодлыкӧ, гашкӧ и, шуӧма кувны, Кодлыкӧ гӧтрасьны — паськӧдны рӧд. Гудыр кӧть олӧмыс, ог вошты лача, Виччыся сьӧлӧмӧс ышӧдантор. Донын и Джеджимын, Мысын и Парчын Вылӧдз на кыпалас шань коми морт. Паськӧдіс сывбордсӧ войся лӧнь лӧзыс, Тӧлысьыс — Зарни ань морӧсын кизь. Пасибӧ Енмыслы — югыда ӧзтіс Енэж тыр пӧртмасьысь лӧз биа сись.
Гижӧд
Войпель
Жанр: 

lkejrlkelkrgner klrjnelknfrkl ekjnrjkenfrej

1