КЫЗЬӦД НЭМ

«Петас, вокъяс, шонді-й тан!
Ме нин аддза — рӧммӧ ылын...»
И. Куратов. «Пемыд»,
1865 во.
Ме чужи кызьӧд нэмын... парма-вӧрын. Эг тӧдлы шудсӧ весиг быдмӧм бӧрын. Ог помнит батьӧс — война вылын усис... Россия пасьта усьӧм йӧзлӧн гуяс... Код тӧдас кымын, кымын миллионӧс Россия воштіс медбӧръя сё вонас. Став мыжсьыс коркӧ прӧститас-ӧ Енмыс Сьӧд кымӧр рӧма, грека кызьӧд нэмсӧ. Ен пыдди вӧвлі Сталинлӧн портретыс, И Сталин йылысь сьывлісны поэтъяс. Сикт шӧрын вичко — быттьӧ полокалӧ — Важ памятник моз сулалӧ и талун. Сэн ныла-зонма венчайтчыліс коркӧ, И паськавлӧма ылӧдз жыннян горыс. Но колис кад... и гӧлӧстӧммис вичко, Со кымын во нин лёк тӧв сы пыр швичкӧ. Тадз вичкоыс моз парма-вӧрным гӧльмис, Кӧн вӧравліс на менам польлӧн пӧльыс. Тадз вичкоыс моз гӧльмин, коми мортӧй. Мый весиг киысь усьӧ гижанбордӧй. Ой, кутшӧм шуштӧм, пемыд сьӧлӧм вылын. Кузь туйын шонді, кӧнкӧ век на ылын... Со ӧтнас тӧлысь югзьӧ енэж бердын — Поп морӧс вылын быттьӧ югыд перна.
Гижысь: 
Гижӧд
Кызьӧд нэм
Жанр: 

lkejrlkelkrgner klrjnelknfrkl ekjnrjkenfrej

1