* * *
Пӧсь чолӧм тэныд, эзысь Волга, — Россиянымлӧн медшӧр сӧн. Тэ уна карӧ, сиктӧ волан, Зэв кузя нюжӧдчӧм шӧвк вӧнь. Ок, кутшӧм кыпыд сьыланкывъяс Ас нэмад сиисны тэд йӧз... И тэнсьыд сялькӧдчысь лӧнь гыяс Эз повзьӧд враглӧн ыджыд грӧз. Тэ ставсӧ йӧзлы помӧдз сетан, Он тӧдлы шойччӧг лун ни вой. Яр бияс ГЭС-яслысь тэ пестан, — И личалыштӧ вӧвлӧм дой. Кӧть мыйта кадыс бӧрӧ коляс, Ён мускулъяссьыд вын оз быр: Сюрс посни юяс, шоръяс, ёльяс Тэ ордӧ писькӧдчӧны пыр. Тэ паськыд, визув, мича статя — Ас муын радейтана ю. И таысь медвойдӧр пӧсь аттьӧ Тэ посни чойясыдлы шу.
Горькӧй кар — Нижньӧй Новгород.
Гижӧд
Пӧсь чолӧм тэныд, эзысь Волга...
Жанр: 

lkejrlkelkrgner klrjnelknfrkl ekjnrjkenfrej

1