РИФМАТӦМ МӦВПЪЯС

Сиа куим чойлы — 
Викалы, Ларисалы да Анеткалы
Кодыр тіянлысь аддза, Гожся вой кодь руд кӧса, Сэки син водзӧ сувтӧ Эжва пӧлӧнса ордым. Кодыр тіянлысь аддза Гы моз кыпъялысь морӧс, Сэки сьӧлӧмӧй менам Ӧда бипур моз ӧзйӧ. Кодыр тіянлысь аддза Тувсов асыв кодь нюмтӧ, Сэки син водзӧ сувтӧ Алӧй дзоридзлӧн воссьӧм. Кодыр тіянлысь аддза Шонді бана том чужӧм, Шоныд рӧмӧн сэк кыа Быттьӧ олӧмӧс мавтӧ. Кодыр тіянлысь аддза Мелі кельыдлӧз синъяс, Сэки чужӧны юрам Мелі кельыдлӧз думъяс. Кора прӧститны менӧ: Чужті рифматӧм кывбур. Ті ӧд му вылас асьныд Куим медмича рифма.
Гижӧд
Рифматӧм мӧвпъяс
Жанр: 

lkejrlkelkrgner klrjnelknfrkl ekjnrjkenfrej

1