* * *
Мир туй кузя гоннялігтыр муна. Эг нин вӧвлы тані уна во. Важся ёртъяс эз на дзикӧдз вунны, Ӧнӧдз тӧда ставныслысь ним-ов. Синъяс водзын ылӧ кольӧм томлун: Кык судта пу школа, дасӧд класс, Нывъяс-зонъяс — ставӧн ми морт комын, И сэн Вера — меным медся ас. Другъясӧн ми сыкӧд сэки вӧвлім, Ӧта-мӧдысь эз вӧв гусятор. Югыд мӧвпӧн тырліс миян сьӧлӧм, Аски йылысь сёрни панлім кор. Чикыш бордйӧн водзӧ лэбзис олӧм, Верстьӧ йӧзӧн ӧдйӧ лоим ми... Вераясӧ медводз кыскӧ лолӧй Уна во мысьт топӧдлыны ки. Со и налӧн паськыд стына керка, Йӧрас кодкӧ киськалӧ лук град. — Тані овліс... овліс коркӧ Вера... — Шуа сылы, ачым вывті рад. Видзӧда и некыдзи ог эскы: Сувтіс быттьӧ Вера — мича, том, Кыдз пу кодь жӧ вӧсньыдик да веськыд, Чышъян увсьыс аддза кӧса пом. Сьӧд синъяснас видзӧдліс зэв рама, Нюмъёвкерис, шуис воча кыв: — Пырӧй, шойччӧй... Гортын папа-й, мама, А ме Вика, лоа налӧн ныв.
Гижӧд
Мир туй кузя гоннялігтыр муна...
Жанр: 

lkejrlkelkrgner klrjnelknfrkl ekjnrjkenfrej

1