КЫВТЫД ПОМЫД


Шоныд рытӧ кывтыд помын
Гудӧк шыӧн ыпйӧ томлун.
Нывлӧн киыс зонлӧн киын —
Быттьӧ дзоридз дзоридз пиын.

Ӧта-мӧдлы мелі нюмыс
Восьтӧ медся гуся думъяс.
Оз ков лишнӧй сёрни-басни,
Синъяс сёрнитӧны асьныс.

Лысӧм юра еджыд тӧлысь
Аддзӧ радейтчӧм том йӧзлысь.
Вежыс этшаджык мед петіс,
Кымӧр сайӧ частӧ бердлас.

Тӧлысь, буракӧ, тшӧтш кӧсйӧ
Корсьны ассьыс воштӧм пӧвсӧ.
Кыйӧдӧ, кор петас кыа,
Сійӧс шымыртны мед сывъяс.

Локтіс бордъяс вылын асыв...
Окалӧм пӧсь вом доръясӧн
Йӧзлы нимкодь гортӧ мунны
Час-мӧд кежлӧ синъяс куньны.