СЁРӦН КАЗЯЛІ...
Зарни амыся тӧлысьсӧ судзӧда, Брошка пыдди мед ӧшӧдны морӧсад. Тэнад синъясӧ лӧз рӧмсӧ рудзӧда Паськыд люстра кодь енэжысь — коран кӧ. Ёльысь гумовта бисер кодь кодзувсӧ, Пеляд исерга пыдди мед пысавны. Дзирйыв восьта пӧсь сьӧлӧмлысь ӧдзӧссӧ: Сэтысь лыддян тэ, мый ог шу кывъясӧн. Гажа раскын тэд зарава войтӧда, Кыдз кодь еджыдӧн кӧсъян кӧ лоны тэ... Тадзи шулывлі тэныд ме войпукиг, Кор тай ыдждӧдлі тэнӧ пыр шондіӧн. Сӧмын кӧсйысьӧм лоис тай весьшӧрӧ: Тэд эз ковмыны кодзув ни, тӧлысь ни... Мӧдлы мойвиин... Колин мен вежӧрӧ Паськыд пармаын юралысь йӧлаӧн. Сёрӧн казялі: вӧлӧмкӧ, ачыд тэ Аслад синъясӧн мичмӧдан ывласӧ; И кор вадоркай енэжлань качӧдчӧ — Тэнад гӧлӧсӧн кыпыда шыавлӧ.
Гижысь: 
Гижӧд
Сёрӧн казялі...
Жанр: 

lkejrlkelkrgner klrjnelknfrkl ekjnrjkenfrej

1