ТУЛЫС-НЫВ
Локтіс миян грездӧ Тулыс — Сэтшӧм радейтана, шань. Гатшасьӧма пасьтӧм муыс, Быттьӧ кага чужтысь ань. Бабитчыны сэтчӧ вола, Ловзьӧ кӧн быд ловъя лов. Вежай пыдди налы лоа, Сета налы ассьым ов. Джуджыд кыдз пу ныв кодь орӧс, Быттьӧ Енмӧн чужтӧм сись, Зараваӧн тыртӧ морӧс, Во чӧж сэсся мед эз вись. Тювкъялӧны сьылысь кайяс, Дзоньталӧны киссьӧм поз. Ыджыд нюрын, вӧр-пу саяс Кылӧ клювзӧ дзодзӧг гоз. Кильчӧ вылын пӧчӧй печкӧ Шонді югӧръясысь шӧрт. ...Шеді Тулыс-нывлӧн лэчкӧ, Кыдзи мездысьны — ог тӧд.
Гижысь: 
Гижӧд
Тулыс-ныв
Жанр: 

lkejrlkelkrgner klrjnelknfrkl ekjnrjkenfrej

1