* * *
Мен сэк вӧлі дас нёль, нывлы — дас кык. Збой ме вӧлі, сійӧ — ыж кодь вӧй. Вотчӧм бӧрын кодыр петім раскысь Окышті ме сійӧс... Йӧй ме, йӧй. Окышті да мыйлакӧ тай бӧрддзис: Кывсяс кӧ пӧ, мый сэк шуас мам? Ӧтчыд пӧ тэ окыштлін нин тӧндзи, Мыйла пӧ тэ петкӧдлан лёк сям? А мен нимкодь, шонді мозыс ӧзъя, Нылӧс бара окыштны ме дась. Быдмам пӧ да гӧтрасьны кӧ кӧсъян, Нӧшта окышт, он кӧ — вешйы тась! Унатор ме кӧсйыси сэк нывлы, Ӧта-мӧдлы лоны шулім сэк. Мукӧд зонкӧд весиг вежӧгтывлі, Кӧть и косьӧдз эг жӧ волӧй, эг. Дзолядырся мӧвпъясыд зэв шаньӧсь, Дзолядырыд — быттьӧ югыд вӧт... Эжва йылын олӧ сійӧ аньыс, Ним-овнасӧ чуйдыны ог мӧд. .................................................................. ...Аддзысьлытӧдз, дзолядырся муслун Ичӧтик да лӧсьыдик вӧй ныв. Думысь тэнӧ пӧся-пӧся кутла — Помӧдз сьывтӧм мича сьыланкыв. Чӧдъя растӧ сьӧлӧмын ме видза. Козьнала тэн ассьым узьтӧм вой. Лапкор вылын лысва — югыд, мича, Быттьӧ тэнад сэкся синва войт. Он нин выльысь ӧзты томлун битӧ, Кольӧм кадсӧ он нин бергӧд, он. Со и ставыс. Васька Ёгор Витьӧ — Коркӧ тэнӧ окавлысь том зон.
Гижысь: 
Гижӧд
Мен сэк вӧлі дас нёль, нывлы — дас кык...
Жанр: 

lkejrlkelkrgner klrjnelknfrkl ekjnrjkenfrej

1