ПРӦЩАЙ, ТОМЛУН
Прӧщай, томлун!.. Чолӧм, пӧрысьлун! Кутшӧмджык тэ лоан: бур-ӧ, лёк? Кадыс лэбӧ. Пышйӧ чӧскыд ун, Ок-ок-ок дай ок-ок-ок! Пыр тай дзуртан, быттьӧ мавттӧм дзир, Паччӧрын и шонавлӧ ки-кок. Синсьыд чусмӧ воддза югыд дзирд, Ок-ок-ок дай ок-ок-ок! Ньӧбӧм пиньнад сёркнитӧ он йир, Кагалы моз вӧлі медым рок. Он нин малась — ыркалӧма вир, Ок-ок-ок дай ок-ок-ок! Он и тӧдлы, лоан мужик шой, Сьӧлӧм дойӧдз таысь босьтлӧ шог. А ӧд вӧвлім аминь яр и збой, Ок-ок-ок дай ок-ок-ок! Оз нин сывлы юрси вылысь пуж — Мӧдысь гажа томлуныд оз лок. Пӧрысьмӧмыд медся сьӧкыд удж, Ок-ок-ок дай ок-ок-ок!
Гижысь: 
Гижӧд
Прӧщай, томлун
Жанр: 

lkejrlkelkrgner klrjnelknfrkl ekjnrjkenfrej

1