* * *
Кӧдзыдысла ёнтӧ лысьӧм, Кӧть и чизыр тӧв оз пӧльт. Пуяс костын шковгӧ-лыйсьӧ Скӧр кӧзяин Мороз-пӧль. Трубаясысь сьӧд тшын пуркйӧ, Аслас тӧждӧн олӧ сикт. Ӧшинь улын варов уркай Меным лыддьӧ ассьыс стих. Пу вож вылын чипсӧ-йӧктӧ Гӧрд галстука ичӧт жонь. Чужан муас звер и пӧтка Тӧдӧ аслыс мич и дон. Пими кӧмӧн ветлӧ йӧра. Тшапа гогйӧдлывлӧ юр. Шоныд горсйын кольяс бӧрйӧ Пушыд тупыль бӧжа ур. Туган йылын дозмӧр ворсӧ Звер-пӧткалы кыпыд вальс. Кыдзлысь зэлыд еджыд морӧс Тупкӧ пужйысь кыӧм шаль. Еджыд шапкаа, дзор тошка, Гӧрдов дӧрӧм-гача пыр, Кыддзӧс сывйыштӧма пожӧм — Быттьӧ Пера-багатыр.
Гижысь: 
Гижӧд
Кӧдзыдысла ёнтӧ лысьӧм...
Жанр: 

lkejrlkelkrgner klrjnelknfrkl ekjnrjkenfrej

1