МЕ БАРА СИКТЫН
Со и вои Сыктывкарысь Эжва йылӧ, чужан сиктӧ... Тэрыб пышкай мекӧд бара Льӧм пу йывсянь варовитӧ. Ме моз кывбур тэчӧ, кыла, Ме моз шогсьӧ, ме моз радлӧ. Ачыс гижӧ, ачыс сьылӧ — Сійӧс позьӧ шуны бардӧн. Лунӧ бана ӧшинь водзын Сырмӧ пелысь уна розъя. Су йӧр сайысь локтӧ вотчысь, Эрдыс сэні гырысь озъя. Ведра гозйӧн вала шавкъя, Юа тшай — и вонйӧ вода. Аски асыв ветла давйӧ, Юмов чӧд ме сэтысь вота. Гожӧм шевкнитӧма бордсӧ — Кутлӧ вӧр-васӧ и мусӧ. Эзысь рӧмӧн тонӧ ворсӧ Чери сьӧм кодь югыд юыс. Визув юыс посни гыа, Рытъя шонді синсӧ куньӧ. Ентас помын кисьмӧ кыа — Ӧмидз лязйӧс моз кӧть чуняв.
Гижысь: 
Гижӧд
Ме бара сиктын
Жанр: 

lkejrlkelkrgner klrjnelknfrkl ekjnrjkenfrej

1