ШОЙЧЧИГӦН


Гӧгрӧс пызан кодь Эжва дор виддзыс,
Турун зорӧдным быттьӧ нянь чӧвпан.
Ёрӧ синнымӧс ывла выв мичыс,
Чӧскыд дукъяссӧ морӧсӧ чӧвтам.

Лыа кӧсаыс быттьӧ пӧсь паччӧр,
Крепыд чай ради бипур сэн пестам.
Дзоля дырйи моз купайтчам гачтӧг,
Сӧмын кинаным тупкыштам... эсті.

Тонӧ пыжаӧс лайкйӧдлӧ гыыс,
Кливзысь каляяс сунлӧны юӧ.
А ме турун сі някляліг кывза
Кыдзи Эжваыс чайникын пуӧ.