КИ ТЫР КОР
Тэнад чӧвлунын енэж да му костын ыджыд выныс... Тэнад чӧвлунын пу бердысь орӧдчӧм корлӧн му веркӧсӧ инмӧдчӧмыс... Му вывсьыс ӧкті югыд корсӧ Ки тыр... Видзӧді да видзӧді: а корйыс збыль татчӧс олӧмысь?.. А вӧтад корйыс гылалӧ кытчӧ?.. Кок дорысь лэпті ичӧтик гӧрд кор, ки пыдӧсам пукті. Да тайӧ, буракӧ, абу и кор, а сьӧлӧмыс кутшӧмкӧ лэбачлӧн. И мыйлакӧ ачыс оз тыдав, а сьӧлӧмсӧ эрдӧдӧма. Пу вывсьыс унджык корсӧ тӧлӧн пӧльыштіс мелань... Абу кӧ зарни лэбач кельӧб тайӧ... Мед и меын олысь лэбачыс ылалас накӧд?.. Талун пужъялӧма. Поскиыс еджыд. И еджыд вылас пелысьлӧн разалӧм корйыс — быттьӧ уна-уна ичӧтик вом дор шӧпкӧдӧны хокку. Пуыс вӧзйӧ сьӧлӧмсӧ: то мында чим гӧрд корйыс сы гӧгӧр... Ветлӧдла-ӧкта... Но мый мен та мындасьыс... Разӧдны кӧ сӧмын... Но кодлы ӧнія кадӧ колӧ сьӧлӧмыд?..
Гижысь: 
Гижӧд
Ки тыр кор
Жанр: 
Гижан кад: 

lkejrlkelkrgner klrjnelknfrkl ekjnrjkenfrej

1