КЫМӦРА АСЫЛӦ
І Кымӧра асылыс Зэр тусьӧн коясьӧ. Пӧльыштлӧ небыдик тӧв. Кытчӧ нӧ лэбзянныд Тэрыба, воясӧй? Томлунӧй, вӧлін, эн вӧв? Этша тай слӧйман Тан дженьыдик олӧмас Тӧдлыны гажсӧ и шуд. А воясыд бӧрвылад, Бӧрвылад кольӧны, Бара со енэжыс руд. Чужӧны йӧз, Быдӧн ас ногыс олӧны, Шонтӧны, видзӧны горт. Быдӧн-ӧ на пиысь Кодлыкӧ колӧны? Ковтӧгыд шудтӧм быд морт. Мусаӧй ловъя на, Му вывті ветлӧдлӧ, Сӧмын тай асьсӧ оз видз. Олӧмыс пуж сылы Унджыкысь петкӧдлӧ, Сьӧлӧмыс оз тӧдлы лич. Донъялӧ веськыда Мичсӧ и мисьтӧмсӧ, Дивитӧ лёк, ошкӧ бур. Висьма ме тшӧтш, Менам мусаӧй висьмас кӧ, Кула ме, воштас кӧ юр. ІІ Коми муӧй, чужан пармаӧй, Менам донаӧй, менам зарниӧй. Гашкӧ, тэнсьыд ме босьті сямлунтӧ: Унджык букыштӧ, дженьыд рамлунтӧ. Тані вужъясӧй, тані чужи ме, Олі олӧмӧс, кыдзи кужи ме. Шыльыд туй вывсьыс кежи ордымӧ, Сэсся воши ме бӧрдмӧн-горзымӧн. Воча чукӧстысь сэки сюрис мен, Кодыр вӧлі ме вӧя нюрас нин... Да со лои ме налы коймӧдӧн. Быттьӧ сьӧлӧмӧй ёся доймӧмӧн. ІІІ Абу на му вылыс тыртӧм, Сійӧ кӧ свет вылас эм. Кагаӧс моз выльысь пыртам Олӧмсӧ, сиам кузь нэм. Кымӧрыс вешъяс, и шонді Нюлыштас медбӧръя лым. И букшасьны некод оз понды, А броткыштас сӧмын нӧ гым. И чардбиыс пуӧ оз инмы, А юковтас бокӧд, оз чег. И некод нин сэсся оз кынмы, Ме тшӧтш, кӧдзыд тӧвнас кӧ эг.
Гижысь: 
Гижӧд
Кымӧра асылӧ
Жанр: 

lkejrlkelkrgner klrjnelknfrkl ekjnrjkenfrej

1