ЕГОР, ДА АБУ БАГОР

«Вӧр-васа академик», кыдз шулісны йӧз,
куим войнаса ветеран — менам рӧднӧй чож
Егор Иванович Некрасовлӧн югыд паметьлы.

1
— Старука, лӧсьӧд мун чугун: Ме талун Сім Нюр Мылькӧ кая. Сэн бокті пӧткаыс оз мун, — Ме тэныд лоз ноп тырӧй вая. — Мун, моок, водзвыв ошйысь сэн — «Ме вая»! Пӧткаыд ӧд бордъя, Дась бӧжсӧ петкӧдлыны тэн, — Тэ аслад нимлы гу эн кодйы! — Старука, лӧсьӧд мун чугун, А ковтӧмсӧ эн сӧр: оз мун! — Водз асыв Ёгор петіс вӧрӧ, Эз весьшӧрӧ мун Сім Нюр вож: Сэсь кыйис пӧтка — ноп оз тӧрӧд, — Туй сылӧн весьшӧрӧ эз вош.
2
— Старука, лӧсьӧд мун чугун: Ме талун муна утка лыйны. Оз удзӧд уткаясысь лун, — Кыв сета лоз ноп тыр тэн кыйны. — Мун, моок, водзвыв ошйысь сэн! Ӧд найӧ збойӧсь — синныс биа. Он другӧн налысь сюсьлун вен, Мед веськаласны тэнад киӧ! — Старука, лӧсьӧд мун чугун, А ковтӧмсӧ эн сӧр: оз мун! — И Ёгор лэччис Васавидзӧ, А сьӧрсьыс пыж ни пелыс лопт. Йӧз кайисны сэсь немтӧг, сідзи, А сылӧн — уткаӧн тыр ноп.
3
— Старука, лӧсьӧд мун чугун: Ме талун вуграсьны туй пана. И тэн ме вуграла ог вьюн, А пес кодь сынъяс, юр ог янӧд. — Мун, моок, водзвыв ошйысь сэн! Ло, Ёгор, мортӧн: юыс паськыд. Оз воча чеччышт сыныс тэн, Кӧть кутшӧм велӧг тэ эн дасьты. — Старука, лӧсьӧд мун чугун, А ковтӧмсӧ эн сӧр — оз мун! — И муніс Ёгор Сотӧмвидзӧ, Кӧн местаыс и ваыс чӧв, И чери лэпталіс сэн сідзи, Мый гортас вайис ведра пӧв. Да, вӧліс миянын Егор, Егор, но сійӧ-ӧ багор? Кор шуас кыв, оз ылӧд тор. Да, вӧліс миянын Егор!
Гижӧд
Егор, да абу багор
Жанр: 
Гижан кад: 

lkejrlkelkrgner klrjnelknfrkl ekjnrjkenfrej

1