* * *

Му люкавтӧдзыс овны,
Кадысь водз-ӧ
Мусинас водны лоӧ,
Он и тӧд...
А олӧмыд ӧд
Мустӧммывлӧ шоча,
И мыйта ов кӧть,
Сыысь он и пӧт.

И виччысьны, и эскыны
Ме мудзи.
И торйӧдны ог куж,
Кӧн лӧж да збыль.
И коланторйыс
Олӧмысь оз судзсьы.
Но бара асыв,
Бара луныс выль.

Бӧр шондіыслы дзиръя
Ӧшинь восьса.
И вунӧма нин
Шогыс менам важ.
И долыдлуныс сывтыръяс
Бӧр босьтӧ.
Да корӧ водзӧ овны
Олӧм гаж.