АНЮТА КАЙИС ВӦРӦАнюта кайис вӧрӧ И кӧсйӧ сӧвтны кер. Зор ковмис, а сы шӧрӧ Друг уськӧдӧма чер. Пу йывъяс кыськӧ корсис: Код — балка, коді — зор. Зэв тэрыба додь сӧвтіс, И вӧліс сэтшӧмтор. Гӧрд кыа на оз тӧдчы — Водз асыв, енэж — дон, Кер доддьӧн нывка лэччӧ, И паныд сылы — зон. Шпынь дзебӧма вом дорас, Эм кутшӧмкӧ секрет. И нывлы шуӧ: — Дона, Он окышт, чер ог сет! — Ныв нюмъёвтіс — зэв мелі, Но шуис: — Муса зон, Мед окыштны, то колӧ Не сӧмын тайӧ дон! — Ак сідзи? Но и ладнӧ, Авансӧн босьт нӧ, мед. Ми, войтыр, абу жаднӧй, — Мед пӧльза лоас тэд! — Зон сетіс чер — и вӧрӧ, Том нывлы кыв эз шу. А морӧсас — он тӧрӧд Ӧбида, — потӧ ку. «Ужӧли ме ог сяммы Вӧр пӧрӧдны, кыдз морт?!» И вӧрын лунтыр камгис, И пӧрӧдіс пу сё. Удж эштӧм бӧрын рытын Правленьеын тыр йӧз. Анюта киас кутӧ Конверт зэв мича лӧз. Зон аддзӧ, сьӧлӧм пуӧ: Сэн вокыссянь привет. Ныв нюмъёвтіс и шуӧ: — Он окышт, ме ог сет!
