ӦТНАД ЛО, СЬӦЛӦМШӦР
Надзӧн шевкнитіс сыв Сэзь да кодзула вой. Сӧмын тӧлысь, кыдз ныв, Ассьыс югӧр оз кой. Узьӧ лым улын вӧр, Сійӧ вӧталӧ вӧт, Коді мичас оз тӧр, Ӧткодь мӧдӧс оз тӧд. Тэкӧд лоны ме рад, Муса ныв, тайӧ здук. Юкис миянӧс кад, Босьтіс радейтчӧм, шуд. Ӧтнад ло, сьӧлӧмшӧр, Ӧтнад чӧскыда узь. Кодыр воа ме бӧр, Лоас гажлунным кузь. Ӧні менӧ сталь вӧв Сэтчӧ пыркӧдӧ, кӧн Биа ветлӧ ён тӧв, Резсьӧ пуляясӧн. Кӧть и ывлаас вой, Аддза, сэн коми зон Ассьыс кӧрталіс дой И оз жалит патрон — Резӧ сылӧн «Максим» Враглы свинеча шер. Зонлӧн слава оз сім, Сьылас подвигсӧ вӧр. Тӧвзя сы дорӧ ме, Горза: «Тэрмась, сталь вӧв! Суӧд бушкола эрд, Сытӧг сьӧлӧм оз ӧв». Ӧтнад узь, сьӧлӧмшӧр, Веськӧд чӧскыда ун. Мед лым тулупа вӧр Тэныд сиас бур лун. Аски удж вылӧ тэн, А мен сэтчӧ, кӧн бой, А кор венам ён вен, Бурдас сьӧлӧмысь дой.
Гижӧд
Ӧтнад ло, сьӧлӧмшӧр
Жанр: 
Гижан кад: 

lkejrlkelkrgner klrjnelknfrkl ekjnrjkenfrej

1