КЫТЧӦ МУНАМ?

Ог тӧд, бурланьӧ ли, лёкланьӧ ми мунам?
Сӧрысь-сёрнитысьыс лоис вывті уна.
Сідзжӧ уна лои деньга чӧжысь-вӧчысь.
Сӧмын эз тай сод на мырсьысь, гӧрысь-кӧдзысь.
Велалім тай дыр кад чӧжнад овны дасьнас,
Некод удж вылӧ оз ырыштчы, оз пасьмун.
Ӧтувъя пӧ муыс-ваыс — ставыс миян.
Ми жӧ ставӧн Сӧвет мулӧн нывъяс, пиян.
Со и дыркодь нёнясимӧй ӧти нёньысь:
Му-мамнымлысь морӧс косьтім помся помысь.
Юр весьтаным сынӧдыс нин весиг письті.
Асьным сёйим, асьным юим, ставсӧ кисьтім.
Код вылӧ нӧ элясям ми, войтыр, ӧні?
Юрсяньыс пӧ чери сісьмӧ, шулывлӧны.