ЧУЖӦ СЬЫЛАНКЫВ

Он кӧ кӧтӧд коктӧ,
Он и чуньышт, нюлышт.
Чериыд ӧд косінын
Оз ов.
Келавны тай ковмас,
Копыртчывны юлы.
Чери кыйӧм моза
Корсьӧ мыйкӧ лов.

Вӧрӧд-ягӧд ветла
Чужанінын, гортын.
Ставыс тані тӧдса,
Быдтор шань да бур.
Торъя долыд меным —
Орччӧн тӧдса войтыр.
Кыдз нӧ накӧд сэсся
Сьыланкыв оз сюр!

Рыт кӧть югдандорыс,
Лун шӧрын и войын
Бара сійӧ чужӧ,
Сетӧ меным вын.
Петӧ-ловзьӧ сійӧ
Радлунӧн и дойӧн.
Сытӧг эськӧ важӧн
Вӧлі нин ме кын.