МЫЙ МЕ КӦСЪЯ
Ватман. Тушь. Рейсфедер... Вӧчи ме чертёж, Аддза гидростанциялысь контур. Бара синам ми Зэв ыджыд юлысь вож, Медым васӧ нуны Весь эз понды. Али абу нимкодь? Сӧнад кынмӧ вир? Морӧс пытшкысь менсьым Радлунӧс он конды. Мый ме кӧсъя тэныд, Ыджыд чужан му? Нэмъяс кежлӧ мир, Шуд да югыд шонді! Ватман, тушь, рейсфедер — Менам куим друг. Торйӧдчыны накӧд ме ог вермы, — Мирас накӧд воссьӧ Лыдтӧм дзоридз туг, Ывла вылыс накӧд Синваӧн оз зэрмы. Ватман, тушь, рейсфедер, Сетӧй меным вын, Выль ногӧн мед чертитны планета, Сэн войнаяслӧн Эз вӧв мед курыд тшын, Некор мед эз лэбав Смерть ваян ракета. Али абу нимкодь? Сӧнад кынмӧ вир? Морӧс пытшкысь менсьым Радлунӧс он конды. Мый ме кӧсъя тэныд, Ыджыд чужан му? Нэмъяс кежлӧ мир, Шуд да югыд шонді!
Гижӧд
Мый ме кӧсъя
Жанр: 
Гижан кад: 

lkejrlkelkrgner klrjnelknfrkl ekjnrjkenfrej

1