ЭН ЮАВ МЕНСЬЫМ ТЭ
Эн юав менсьым тэ, мый йылысь сьылӧ пожӧм, Кор кудриясас ворсӧ небыд тӧв. Ме та йылысь ог тӧд. Но помнита ме гожӧм, Кор пожӧм дорас сулалім ми чӧв. Ме кылі сэк, кыдз тіпкис тэнад сьӧлӧм, Код вӧліс ыджыд радейтӧмӧн тыр. Но кыв эг шу, — ме дзорги мӧдлапӧлӧ, Кӧн льӧм пу лайкйӧдліс лым рӧма дзоридз сыр. Кор пӧся радейтан, оз ковны сэки кывъяс, И тэсянь найӧс ӧні ме ог кор. Тэ висьталін сэк найӧс аслад шоныд сывйӧн, И ӧні пыр мен югыд джуджыд гӧра дор. Эн юав менсьым тэ, мый йылысь сьылӧ пожӧм, Кор кудриясас ворсӧ небыд тӧв. Ме та йылысь ог тӧд. Но помнита ме гожӧм, Кор пожӧм дорас сулалім ми чӧв.
Гижӧд
Эн юав менсьым тэ
Жанр: 
Гижан кад: 

lkejrlkelkrgner klrjnelknfrkl ekjnrjkenfrej

1