ШОТЛАНДИЯСА СЬЫЛАНКЫВ

Кырныш лэбзьӧ кырныш дінӧ,
Кырныш горзӧ: «Кӧні инӧ,
Кырнышӧй, ми нуръясям?
Кыдзи эськӧ тӧдмалам?»

Кырныш кырнышлы сідз шуӧ:
— Кырныш! Сёян миян пуӧ…
Ыб вылын тай сісьмигтыр
Куйлӧ виӧм багатыр.

Мыйысь кодкӧд вермасьӧмын
Сійӧ усьӧм, тӧдӧ сӧмын
Сылӧн кутшыс да сьӧд чань,
Да том гӧтыр тӧрытсянь…

Вӧрӧ лэбзис нин кутш сылӧн,
Лёк морт рӧдтӧ сьӧд чань вылын,
А том гӧтыр виччысьӧ
Олысь-вылысь мусасӧ.