ЮГЫД ВОЙ, КӦДЗЫД ВОЙ
Тӧлысь-кодзув ӧтарсянь — вылісянь. Еджговлӧз лым мӧдарсянь — улісянь. Юрвыв кодзув зэв вылын дзирдалӧ. Шытӧг ылын, войвылын, чардалӧ. Кӧдзыд ру кыпӧдӧ юкмӧссянь. Лэчыд тӧв орӧдӧ войвывсянь. Ягын кӧдзыд гораа швачкӧдчӧ, Быттьӧ сэні кодікӧ поткӧдчӧ. Гыӧртӧма мича коз, вугралӧ — Гажа тулыс, шоныд гож вӧталӧ. Еджыд кӧч лым вывті тупыльтчӧ. Репасын сьӧла-тар йӧжгыльтчӧ... Кодарсянькӧ кылыштӧ пон увтчӧм, Мӧдарсянь нӧ — кок улын лым дзуртӧм... Керкаясын быдӧн нин узьӧны. Енэж вылысь кодзувъяс усьӧны, Зарни, эзысь киньясӧн сявкйӧны, Ньӧжйӧникӧн, шы ни тӧв, кусӧны. Шудторйӧй, «кодзулӧй» мем мыччысис, — Сы кузя нӧ тайӧ гижӧд лоыштіс. Сійӧ кодзув енэжсьыс ме гусьышті, Татчӧ сэсся, эзысьӧс, ме-й сюйышті.
Гижысь: 
Гижӧд
Югыд вой, кӧдзыд вой
Жанр: 
Гижан кад: 
Ӧшмӧс: 
Пасйӧд: 

* Юрвыв кодзув — Полярнӧй кодзув (авт.).

* Шытӧг ылын, войвылын, чардалӧ — вой кыалӧн дзирдалӧм (авт.).

* Репасын — пӧткалӧн лым пиын тӧвся поз (авт.).

lkejrlkelkrgner klrjnelknfrkl ekjnrjkenfrej

1