ТОМ ВОЙТЫРЛЫ
Овмӧс воссис выльысь вылӧ. Важлӧн туплясьӧ на шуй... Ёнмӧй, вежӧрмӧй, том войтыр, Паськыд воссьӧ водзын туй. Вӧлись гажа шонді петіс. Петім паськыд туйӧ ми... Кулӧм куйлас мед ас гуас, Олӧм воис ловъялы. Кӧйдыс кӧдзлӧма сё воӧн, Пыдӧ пырӧма нин вуж. Кокни керавны вӧр черӧн, Вужсӧ бертны — сьӧкыд удж. Гартліс пӧльясӧс вуж дзикӧдз, Кутлім сетчыны тшӧтш ми. Кулӧм куйлас мед ас гуас, Олӧм воис ловъялы. Яндзим сылы, коді пыксьӧ, Кодлы олӧм колӧ важ! Бур ним сылы, коді корсьӧ Йӧзлы шогсьӧм пыдди — гаж. Дыр ми синнымӧс эг восьтӧй, Тшӧтш удж вылӧ петам ми... Кулӧм куйлас мед ас гуас, Олӧм воис ловъялы. Чорыд муыс небзис бура, — Кӧдзӧй, мыччысис кор гож. Бура кӧдзӧмлӧн, бур кывлӧн Некор кӧйдысыс оз вош! Кутам кӧдзны. Коркӧ шуас Том йӧз аттьӧ миянлы... Кулӧм куйлас мед ас гуас, Олӧм воис ловъялы...
Вуджӧдысь: 
Гижӧд
Том войтырлы
Жанр: 
Гижан кад: 
Оригинал автор: 
Пасйӧд: 

(Никитин серти)

lkejrlkelkrgner klrjnelknfrkl ekjnrjkenfrej

1