НЫВЪЯС ВА ДОРӦ...
Нывъяс ва дорӧ ворсны лэччисны. Ва дорын кылалӧ йи. Ломзьӧ-дзирдалӧ шонді енэжын, Ломтысьӧ быттьӧкӧ би. Орччӧн пуксисны гажа кыр йылӧ Акань моз пасьтасьӧм нывъяс. Мича шушуна-сь, дона чышъяна-сь, Сикӧтшъяс ӧшлӧма-сь сьывъяс. Эжва садьмӧма, Эжва лёкмӧма: Чепъяссӧ жугӧдлӧ вывсьыс. Нимкодь нывъяслы, гажа том йӧзлы: Юрӧбтіс сьылӧм шы, кывсис. Киссьӧм кӧмкота, дӧра аржиа, Лёкиник чышъяна ныв Шога зумыштчӧм, жугыль пукалӧ, Нывъяскӧд гажа оз сьыв. Мыйла, ныланӧй, чепъяс жуглігӧн Ланьтӧмӧн, донаӧй, олан?.. Гашкӧ, озырысь, тшапа олысьысь, Ёнысь да гырысьысь полан? Эн пов, бур нылӧй! Вӧля быдӧнлы Ломзьӧдіс сьӧлӧмас бисӧ. Нуис быд вожысь, вӧйтліс быд юысь Эжваным кӧртӧдсӧ-йисӧ.
Гижысь: 
Гижӧд
Нывъяс ва дорӧ...
Жанр: 
Гижан кад: 
Пасйӧд: 

Аржи — кыз сера дӧраысь вурӧм сарапан.

lkejrlkelkrgner klrjnelknfrkl ekjnrjkenfrej

1