×

Status message

Do something on load!

ДЫРНӦСДОР
Бор кузя пом ни дор эрдӧд Лӧнь ва кодь сю муяс сайӧ Из вывті дзольгысь ю бердӧ Унаӧн чиг ӧткодь каям. Пурисьті мунӧны мӧсъяс. Гожӧм шӧр. Розъялӧ сю. Енэжын шондіыс ӧзйӧ, Кашкӧ и пошкӧ лӧнь му. Шыр пияс этшӧн дзик мунам, Тривксьӧдам быттьӧкӧ ур. Видзӧдтӧ, сю пытшкӧ сунім, Тӧкӧтьӧ тыдыштӧ юр. Варовӧсь. Сьӧлӧмным долыд. Пӧльыштлӧ небыдик тӧв. Ветлӧдлӧ кокньыда лолыд. Сынӧдыс — мӧс вӧра йӧв. Ог шогсьӧй. Петкӧдлам серам. Праздникад чиктылӧ лов — Лунтыр ми мый колӧ керам, Удж вылӧ мунны оз ков. Тыдовтчис шор нюкӧс матын. Дзольгыштӧ ичӧтик ю. Ю дорын вӧр пиын татӧн Шы ни тӧв ланьтӧма му. Сӧмын ёсь гӧлӧсным миян Ыб вомӧн, кӧн джуджыд чой, Лэбзьыштлас вӧр пуяс сайӧ, Чикышӧн чивлас зэв збой. Луд вылын веж турун вылын, Орччӧн кӧн визувтӧ шор, Челядьлӧн ворсӧм шы кылӧ — Чиктылӧ зӧм кыркӧтш дор. Из вывті визув шор дзольгӧ, Эжвалань писькӧдӧ туй, Варова челядь моз больгӧ, Быттьӧкӧ мойдӧ «Руй-руй». Шор вылӧ кыркӧтшсянь тшапа Нёровтчӧм дзор коз пу лыс. Абу на кулӧма, абу, Ловъя на — ыджыд и кыз. Ывлаыс ӧдъя — пӧсь пывсян. Пӧрӧм лыс весьтын эм йир. Пасьтӧмӧсь... Зӧм кыркӧтш йывсянь Чеччалам зонпосни звирк. Сералӧм, пульскӧдчӧм, увгӧм Пӧрӧм лыс кывзӧ вель дыр. Лыс весьтын тыдалӧ джумгӧр — Купайтчысь челядьӧн тыр. Купайтчим, гашкӧ, час куим, Лӧзӧдіс быдӧнлӧн яй. Тірзигтыр пасьтасиг шуим: «Черитор кыйыштам вай!» Чери тшӧтш Дырнӧсад олӧ: Снитки да сюн чери эм, Кузь сюра налим зэв полысь — Жмитчӧма му бердӧ тшем. Сьӧрсьым эм мамӧлӧн чышъян, Черитӧ кӧвтам вель дыр. Шеданныд, ылӧ он пышйӧй!.. Чукӧрмас дзонь туис тыр. Юыслысь талялам пыдӧс, Корсям ми сэсь донатор. Мича из чукӧртам быдӧн. Кульчуньӧн озыр зэв шор. Ю бердын зэв джуджыд кыркӧтш, Муыс сэсь Дырнӧсӧ «гып!» Розь уна кыркӧтшлӧн гыркас: Вӧчӧма поз сэтчӧ рып. Сэтӧні быдтӧны пиян... Шызьӧма-сь розь весьтын сэн. Рыпъясыд другъяс ӧд миян, Эн полӧй миянысь, эн! Ми пӧвстын сэтшӧм йӧз эмӧсь: Рыпъястӧ оз жалит, оз. Босьтам кӧть сюзь синма Семӧс — Кырӧдны кӧсйӧ рып поз. Ӧлӧдім, чиршӧдлім Семӧс, Тайӧ ӧд войдурлӧн удж! Янӧдім: «Вежӧрыд эм-ӧ?! Прӧста тэ сойтӧ эн пудж!» Со тай и увтасмис шонді, Рытланьӧ нёровтчис лун. Уличын мӧс жыннян клёнгӧ. Тайтӧ, тэ гортланьӧ мун! Колӧ и миянлы гортӧ Веськӧдны ассьыным ныр. Жаляддза эновтам шортӧ, Любуйтчим сы мичӧн дыр. Гортаным воам со — мудзӧсь. Лабичын шкоргӧ нин вок. Пӧлатьын бабушӧй узьӧ. Мам шуӧ: «Вод сэсся лок!» Татшӧм тай ичӧт дыр вӧлі, Колльывлім тадз гожся лун... Мортыдлӧн арын ни тӧлын Челядь дыр некор оз вун.
Гижысь: 
Гижӧд
Дырнӧсдор
Жанр: 

lkejrlkelkrgner klrjnelknfrkl ekjnrjkenfrej

1