ӦШИНЬ УВТІ
Ӧшинь увті бобув лэбзис, Мича еджыд бобув. Тувсов шоныд зэрысь дзебсис, Корсис аслыс кобув. Ӧшинь весьтӧ тэчас вылӧ Тэрмасигтыр пуксис. Жугыльтчӧма, шогсьӧ, кылӧ: «Ывлавылыс дзугсис!..» Кутіс поткӧдлыны гӧрд би Енэж вывса кымӧр. Петіс тӧв ныр — ставсӧ гартліс... Увгӧ ыджыд гымӧн. Мича бобув ӧшинь водзын Тіралӧ да дзӧрӧ. Еджыд бордъяснас зэв шоча, Полігтырйи вӧрӧ. Куті восьтыны ме ӧшинь — Кутны еджыд бобув. Лёк тӧв нырысь видзны кӧсйи, Сетны бурджык кобув. Тӧв ныр ланьтіс. Шерӧн зэрмис. Ӧти йитор уси. Бобув дінӧ: «Вины вермас!» — Менам другысь шусис, Ӧшинь восьті. Кутны колӧ!.. Бобув другысь лэбзис — Повтӧг прамӧ йи зэр улӧ. Сэсся воши, дзебсис. Быттьӧ шуис лэбзигтырйис: «Оз ло мездлун кутысь, Лучшӧ кула мездлун дырйи... Мездлун мортлӧн шудыс».
Гижысь: 
Гижӧд
Ӧшинь увті
Жанр: 
Гижан кад: 

lkejrlkelkrgner klrjnelknfrkl ekjnrjkenfrej

1