КОДЫР УСЯМ ТЭКӦД РАЙЫСЬ...


Н..., сё зарниа нылӧй,
Кодыр лоа мустӧм тэныд,
Месянь сьӧлӧм лоас ылын,
Вунӧд ньӧжйӧникӧн менӧ!

Ачымӧс ог кӧсйы вины,
Ог ӧшӧдчы сэки релльӧ —
Миян сьӧлӧмпытшса биным
Мед оз разав уна пельӧ.

Медым сійӧ ньӧжйӧ сотчас...
Пуксям тэкӧд, пуксям орччӧн.

Сьыланкыв ми тэкӧд сьылам,
Тэкӧд сьылам ми сы йылысь:
Кыдзи олім ми му вылын...

Олім тэкӧд, дона нылӧй,
Сы понда дзик: ме ӧд кылі —
Сьӧлӧмпытшса шонді тэнад
Муслун биӧн шонтіс менӧ.

Сетлі тэныд медпӧсь окӧс,
Юкси тэкӧд гажӧн-шогӧн,
Вӧлі тэныд ёртӧн, вокӧн.

Сё ногӧн окалі, другӧй?..
Тэ ӧд — би-пӧсь зарни чукӧр.

Зарни чукӧр — муса, дона,
Кодӧс радейті ме ёна.

Тӧд вылад уськӧдлам тайӧс
Кодыр усям тэкӧд райысь.