ГАЖӦДЧӦМ


	Лун шӧр дай луна
Туй кузя мунӧ
Йӧзыс зэв уна.
	Паськӧмыс мича,
Дӧрӧмыс ситеч,
Сапӧгыс ичӧт.
	Гажӧдчан кывъяс
Сьылӧны нывъяс.
Сикӧтшъяс сьывъяс.
	Гажаа сьылӧм
Горӧдчӧ ылӧ.
Гудӧк шы кылӧ.
	Енэжсянь шонді
Мувывсӧ шонтӧ,
Ывласӧ ломтӧ...
	Керкаӧ тырыс,
Гӧсьт-гӧстя пырис —
Пуксянін быри.
	Корсьӧны няньяс,
Вайӧны паньяс,
Сир чериняньяс.
	Перйӧны нуръяс,
Юӧны суръяс,
Гажмӧны юръяс.
	Нюлӧны паньяс,
Нявзӧны каньяс,
Горзӧны аньяс:
	— Энӧ на чеччӧй!..
Сёйӧмӧ лэччӧй!..
Кылӧ он сетчӧй!
	Буса туй вылын
Матын и ылын
Гажӧдчӧм кылӧ.
	Посни йӧз горзӧ,
Став йӧзыс ворсӧ,
Кольӧма гортсӧ.
	Потшӧсъяс пӧлӧн,
Армия чӧлӧй
Пукалӧ чӧла.
	Шондіыс лэччис,
Кодсюрӧ чеччис,
Гортланяс сетчис.
	Пырисны гортас
Пӧрысьджык мортъяс,
Олӧма ёртъяс.
	Локтӧны мӧсъяс.
Кӧзяйка кӧсйӧ
Лысьтыны ӧдйӧ...
	Коддзисны зятьяс,
Варовӧсь батьяс.
Кылӧны матьяс.
	Увтӧны понъяс.
Сьылӧны зонъяс.
Палялӧ онъяс.
	Вунӧма шогыс —
Йӧктӧны лёкысь,
Оз мудзлы кокныс.
	Кыа со петӧ,
Вижӧдӧ сэті —
Гаж бара сетӧ.
	Пельӧсын гозъяс
Вӧчӧма-сь позъяс...
Сьӧлӧмас — озъяс.
	Вошины номъяс,
Сарайын вонъяс
Узьӧны зонъяс.