ГОЖӦМ ПОМ
Кисьмӧма, гӧрдӧдӧ вӧр дорын пелысь. Воӧма быдсяматор. Ыркыдӧн лолыштлӧ корсюрӧ тӧлыс — ывлаысь кылӧ ассяма кӧр... Чукӧрмӧ бур йӧзлӧн ывлавыв уджъяс: эштӧма турун, воӧма нянь. Видзӧдлан видз вылӧ — зорӧдыс кымын! Мӧдарӧ, ыб вылӧ — чумали сярвидзӧ тыр... Долыдмӧ сьӧлӧмыс уджалысь мортлӧн, личалӧ морӧссьыс шог; кокниджыкпырысь тэрмасьӧ эштӧдны ӧтитор, мӧдтор... Корсюрӧ зэрыштлӧ. Мыччысьлӧ гажаа шонді, зарниа югӧрнас ворслӧ... Мунан кӧ вӧр дорті, тшак дукӧн ӧвтыштас нырад. Быд пу кост чераньлӧн ӧшалӧ вез, бӧрсяньыд вӧтлысьӧ, быттьӧкӧ гез... Вижӧдӧ, кельдӧдӧ кыдз пу, ньӧжйӧник гылалӧ — шпалгысьӧ кор. Чим гӧрдӧн пӧртмасьӧ, тіралӧ пипу, быд лолыштӧм тӧвруысь шпаргысьӧ-вӧрӧ... Кокньыд да пельк сэк кадӧ овлӧ ветлыны вӧрӧд. Зумыда восьлалан векньыдик лэч туйӧд, лӧсьыда тушатӧ ыркйӧдлӧ тӧлӧн.
Гижысь: 
Гижӧд
Гожӧм пом
Жанр: 
Ӧшмӧс: 

lkejrlkelkrgner klrjnelknfrkl ekjnrjkenfrej

1