КЫСЬКӦ ЛОКТІС
(Челядьлы сьылӧм-ворсӧм)
Кыськӧ локтіс мустӧм старик — дзор тош пӧль — Ывла вылын еджыд лым да кӧдзыд тӧв... Кӧӧӧдзыд, кӧӧӧдзыд... ой, кӧдзыд!.. Гегдан-кынман, он кӧ лӧсьӧд, запты пес. (2-ысь). Доддяламӧй вӧвъяснымӧс ӧдйӧджык, Вӧрӧ мунам песла ставӧн котырӧн. Сийӧс, мегыр, вӧжжи, гез... Доддьӧ пуктам турунтор да лэчыд чер. (2-ысь). Рӧдйӧн-рӧдйӧн мӧда-мӧдӧс ордйӧдлам, Регыдӧн и сідзнад вӧрад ми воам. Рӧдйӧн-рӧдйӧн, гӧнечӧн!.. Мӧда-мӧдӧс вежа-вежмысьт панлалам. (2-ысь). Ягӧ воам — зіля мӧдам керасьны, Чаг-пельӧмыс сӧмын кутас сявкйыны. Кепысь, шапка шыблалам. Пӧсьным кутас чужӧмбанӧд визувтны. (2-ысь). Тыра доддьӧн гортлань мӧдам ньӧжйӧник, Додь бӧрсяным ки-кок шонтіг, йӧктігтыр. Зурыд, зурыд... ой, зурыд!.. Додь бӧрсяным подӧн мунам ньӧжйӧник. (2-ысь). Гортӧ воам — кражсӧ пескӧ вундалам, Пессӧ пачӧ тырыс дзумгам-сюялам. Каям паччӧр сэрӧгӧ... Ӧні сэсся он нин повзьӧд, кӧдзыд тӧв! (2-ысь).
Гижысь: 
Гижӧд
Кыськӧ локтіс
Гижан кад: 

lkejrlkelkrgner klrjnelknfrkl ekjnrjkenfrej

1