МЕД НЭММАС ТАЙӦ ЛУН!
Чукӧрӧн лыддьӧм
Мед нэммас тайӧ лун — Первое Мая! Югыд праздник Му пасьта уджлӧн! Мед шондіыс выль олӧм-райлӧн Ӧзъялас миян весьт дӧлӧн! Кыдз вӧльнӧй лэбалан пӧткаяс, Лэбзям ми бордъясӧн вывлань. Бырӧдам йӧз костысь вежӧсъяс, Шыблалам раб мисьтӧм нимъяс. Кусӧдам нэмчӧжся лӧглун, Ӧт-мӧд кост йӧзыслысь лёксьӧм. Пузьӧдчам ӧтувъя семьяӧ — Миян ӧткодь знамяным — гӧрд! Мед кывзасны пемыд ловкуяс, Мед лӧнясны нэм кежлас найӧ! Гымалан сьыланкыв мездлунлы Талун ми гораа сьылам! Мед нэммас Воддза лун Майлӧн — Югыд праздник уджалысь йӧзлӧн! Мед югъялас шондіыс выль олӧм-райлӧн Некорсӧ куслывтӧм биӧн!
Гижысь: 
Гижӧд
Мед нэммас тайӧ лун!
Жанр: 
Гижан кад: 
Ӧшмӧс: 
Пасйӧд: 

* Ловку — мортӧс нимтан кыв, рочӧн кӧ — шкурник (авт.).
* Ӧзъялас миян весьт дӧлӧн (дӧла би) — яръюгыда сотчысь-ломалысь би (авт.).

lkejrlkelkrgner klrjnelknfrkl ekjnrjkenfrej

1