МАЕГОВ ӦНЬӦ ОПОНЬЛЫ
«Коми котыр» нимсянь
Кывлім ми тэ йылысь, Бур коми мортӧй, Му пасьта олысьлы, Гӧль йӧзлы ёртӧй! Локтан пӧ, кӧнікӧ, Важ бӧрын бара, Войвылӧ, Комиӧ, Сыктывдін карӧ. Виччысям тэнӧ ми, Майбырӧс, ёна. Тэ йылысь миянлы Юӧр зэв дона. Тыш вылын олігӧн Эгӧ нин чайтлӧй Тэнӧ ми ловйӧн — Усьӧмӧн лыддим. Лок, инӧ, воканӧй, Коми бур мортанӧй. Сьӧлӧмшӧр вок, Шойччышт нин лок! Ёна нин сьӧлӧмтӧ Ассьыд тэ разгин, Уна нин зільлунтӧ Ассьыд тэ пуктін. Том олӧм гажатӧ Ставнас нин сетін, Уналы тырмӧдлін Сьӧлӧмтӧ ассьыд. Гӧльлункӧд, пемыдкӧд Ёна нин мырсин, Лёк йӧзкӧд, Гундыркӧд Ёна нин вийсин. Нуӧдін вокъясӧс Югыдлань паныд, Чуксалін чойясӧс Шонділы банӧн. Сӧдз ва кодь сӧстӧма Аслад тэ думнад, Тӧждысян сьӧлӧмнад, Вежӧра юрнад. Кӧні меддзескыд, Сэтчӧ тэ пырлін. Мыйи медсьӧкыд, Сыысь эн пышйыв. Морт ногса олӧм Кӧсйин пыр вӧчны, Уджалысь гӧль йӧзлы Лӧсьӧдны олӧм. Уськӧдчин дорйысьны Уджалысь вӧсна, Мед эськӧ мортыссӧ Морт пыдди пуктіс. Мед эськӧ мортыс Мӧд мортлы эз Кӧин кодь вӧв! Унаысь ветлін тэ, Эновтлін горт, Унаысь юр весьтад Волывліс орт.
_______
Ӧні нӧ: Чардалӧм-гымалӧм Бокӧ нин вешйис, Путкыльтан тӧвныр Водзӧ нин муніс. Тувсов зэр пожъяліс Му вылысь няйтсӧ, Зарниа югӧра Мыччысис Шонді... Коли нӧ нюмъялан Водзӧвыв олӧм, Долыд-ӧ, гажа-ӧ Выль олӧм доран. Войвылын Комилӧн Республика воссьӧ, Мезмӧм йӧз котырлы Туй ӧні восьса!..
_______
Лок, инӧ, воканӧй, Коми бур мортанӧй. Сьӧлӧмшӧр вок, Ӧдйӧнджык лок!
_______
Локталӧй быдӧн, Коді кӧн эм, Кодъясӧс важӧн Вӧтлісны нем. Локтӧй, код удж вӧсна Тӧждысьӧ вӧлі. Уджыс тан, войвылын, Вӧрзьӧдтӧм куйлӧ.
Гижысь: 
Гижӧд
Маегов Ӧньӧ Опоньлы
Жанр: 
Ӧшмӧс: 

lkejrlkelkrgner klrjnelknfrkl ekjnrjkenfrej

1