ОЛАН ДА ВЫЛАН, СӦВЕТ КОМИ МУ!Олан да вылан, Сӧвет Коми муӧй! Привет тэныд месянь Да бур видза юӧр. Кыдзикӧн мунан тэ выльлань... Тэ водзын копырта юрӧс... Бара ме петі Ылі туйӧ, Ӧні со муна Коми муӧд Гажаа шондіа лунӧ. (Поводдя бергӧдчӧ арлань, а туй — Сыктывкарлань).* * *Зарниа, гажа Пукалӧ лун, — Зумыдик яран тӧв Войвывсянь пӧльтӧ. Пыдӧстӧм лӧз-лӧз Енэж... Но... нолтӧ: Улӧ юр сунӧма Эжва ю шӧрӧ аэропланлӧн Пӧтка вуджӧр.................................Увтасысь увтасӧ, — Вевтасысь вевтасӧ, — Видзьяс вывті, Ыб муяс пӧлӧн Мунам ми Колхозса вӧлӧн. Нуӧдӧ менӧ Выль Коми муӧд Выль петӧм морт — Комсомол ёрт: Чӧдъя расъясті, Ялаа ягъясті, Бокшаті, тшӧтшкӧсті... Чой йывсянь чой йылӧ — Качӧдлӧ вылӧ телегаӧн.. — Кодӧс нӧ кытчӧ тэ нуан? — Ставсоюз гижысьяс Съезд вылӧ Делегатӧс! — Видзис повозник воча. — О! — шензьыштіс-сулаліс юалысь. — О! — долыда горӧдіс нуысь. Зарниа, гажа пукалӧ лун. Шувгӧны пуяс, Копрасьӧны Идъяс да сюяс. Ыджыд нимкодьӧн радлӧ Морӧсын сьӧлӧм — Воӧма урожай — во!................................Ю кузя вочасӧн Кывтӧ и кывтӧ Ас уджсӧ керӧ, Унаысь уна экспортнӧй вӧр. (Ӧтвылысь уджалӧ чарла да чер). Тракт кузя котралӧ автомобиль, Вӧр пу йыв лэбалӧ аэроплан. Колхозса му вылын Оз чирк моз сьылӧ, Краситӧм выль на Шырана машина...............................Олан да вылан, Коми уджалысь йӧз! — Колхозник ёрт, И тэ, ӧтка олысь, — Честнӧй уджалысь морт. Олан да вылан, Сӧвет Коми муӧй! Оланныд-выланныд, пуяс, Оланныд-выланныд, муяс, Оланныд-выланныд, юяс — Эжва, Сыктыв и мукӧд... Бисерӧн Лӧсталысь Висер! Олан Став выль вӧчӧмторъяснас! Олан, вӧр лэдзысь, Кыйсьысь и гӧрысь. (Оланныд, том йӧз и пӧрысь! Быдманныд-вежсянныд ті...) Тіянлысь шуднытӧ-уджнытӧ Мунам да мирыслы висьталам ми.Помӧсдін — Москва.
