ВӦЛІ ШОНЫД ГАЖА ТУЛЫС!


Вӧлі шоныд гажа тулыс. —
Овны босьтӧ вӧлі лад,
Помасисны гажа лунъяс —
Янсӧдчыны воис кад.

	Эн менӧ коль,
	Мем ёна шог.
	Оз сюр мем тэтӧг
	Олан ног.

Комлы тӧлын овны долыд,
Сылы муса ичӧт ёль.
Тэнӧ кольны меным сьӧкыд,
Муса дзоридз, муса моль!

	Эн ёна бӧрд,
	Сьыв сьыланкыв.
	Эн ёна шогсьы,
	Муса ныв.

Нӧшта медбӧръяысь окышт,
Окышт, окышт менсьым вом.
Топта сьӧлӧм бердад кутышт.
Окасьӧмлы воис пом.

	Сійӧ бурлун
	Оз некор вун,
	Оз некор вун
	Талунъя лун.