ЧУКЛЯ КЫВЪЯ ГАБӦ ДА БАБӦ


Пырис Габӧ детсадӧ заведующӧйӧн, а бабӧыс — колхозница, нёль арӧса Иванлӧн бабыс. Бабӧлӧн талун ставныс мӧдӧны куртны, сійӧн и лои вайӧдны ичӧтик Иванӧс детсадӧ.

Габӧ босьтіс кабала да ручка, кутіс юасьны бабӧлысь.

ГАБӦ. Детинкаыдлӧн нимыс мый?

БАБӦ. Иван, Ваня.

ГАБӦ (гижӧ). Рӧдительясыслӧн нимыс?

БАБӦ. Став рӧдительыслысь нимсӧ ме ог помнит — юр садьӧй лои лёк...

ГАБӦ. Кыдз нӧ он помнит!.. Дас рӧдитель али мый детинкаыслӧн?!

БАБӦ. Менам мужик помнитӧ, гашкӧ, комынӧс, казьтыштлӧ поконикъясӧс...

ГАБӦ. Кулісны рӧдительясыс али мый?

БАБӦ. Господьӧ! Тыр вежӧра-ӧ тэ, тӧварыш заведующӧй? Ловъя рӧдительяс ӧд оз овлыны...

БОКИСА ГӦЛӦС. Заведующӧйыд бать-мамыслысь юалӧ нимсӧ.

БАБӦ. Сё дивӧ! Со мый тэ, вӧлӧм, юалан... Степан да Педӧсся... Сэсся ог ков ме?.. Тэрмася куртны колхозӧ. (Петӧ).

ГАБӦ. Тьфу! Бестӧлкӧвӧй! Ни белмеса оз понимайт!

БАБӦ (мунігмозыс). Аттӧ, чукля кывъя Габӧ! Нинӧм он гӧгӧрво сылысь. Абу тыр прӧсуж, тыдалӧ.


Рытнас бабӧ вайӧдіс гортас ичӧтик Иванӧс детсадысь. Батьыс да ыджыдджык вокыс (витӧд классын велӧдчӧ) юасьӧны Иванлысь:

— Но мыйджык керинныд садъяд, Ванюк?

— Ми велӧдім наизусьт кывбур.

— Во-от! Ноко лыддьы!

Иван лыддьӧ:

И кусі шонді биыс,
Кыз кымӧр нюлӧ эрд,
Лым кайӧ мусянь вывлань...
Но миянӧс он йӧрт!

БАТЬ. Мыйкӧ татӧн склад ни лад абу... Тэ, тыдалӧ, пиук, мыйкӧ дзуган... Кывзыныс шог — вутшкӧсь видз ытшкӧм кодь.

ЫДЖЫДДЖЫК ПИ. Батьӧ, Ваняыд лючки лыддис... Ми колян во велӧдім жӧ.

БАТЬ. Чӧв нин! Тайӧ мыйкӧ абу прамӧй кывбур гижысь...

ЫДЖЫД ПИ. Миян учитель шуӧ: тайӧ поэтыс пӧ. Куратов бӧрын мӧд...

БАТЬ. Кутшӧм учитель?

ПИ. Журавлёвыд.

БАТЬ. Сё чудеса дивӧ!

БАБӦ (кывтсянь). Ме вот кывзі жӧ... тасьті-пань мыськигмоз... Ме чайта, тайӧс гижӧма ачыс чукля кывъя Габӧыс. Ачыс, ачыс, дзик ачыс! Сійӧ кывйӧн позьӧ и кыз кымӧр нювны!


Гижысь: 
Гижӧд
Чукля кывъя Габӧ да бабӧ
Жанр: 

lkejrlkelkrgner klrjnelknfrkl ekjnrjkenfrej

1