* * *
Зэв джуджыд кынмӧм из нӧрысъяс вылӧ Йӧз муӧ олӧмыс шыбитіс менӧ. Кая ме... Медджуджыд из нӧрыс йылас. Букыша видзӧдӧ ме вылӧ енэж. Мудзи ме... Из нӧрыс шлыпвидзӧ-куйлӧ — Сыркмунӧм... Йизьӧма... Кулӧма. Шуштӧм. Кытчӧ нӧ? Эм-ӧ нӧ помыс кӧть туйлӧн? Дзик некод оз шыась — из нӧрыс куш тэ!.. Йи кӧдзыд нитш пӧвстысь казялі дзоридз — Видзӧдіс ичӧтик сӧстӧм лӧз синнас: Ог тӧд ме, вӧтліс-ӧ, ыстіс-ӧ, корис? — Лӧз енэж синъяснас сьӧлӧмӧдз инмис. Сулалі чуймӧмӧн... Шай-пай ме муні. Сӧдз ёль ва синъяснас лапнитіс дзоридз — Няйт мулӧн пежлуныс му пырыс муніс, Енэжсӧ сии ме, му пыдӧс ёри. Дзоридзьяс, дзоридзьяс, му выв тыр дзоридз. Шуштӧм сьӧд из нӧрыс лым еджыд лои... Ог тӧд ме, дзоридзыс вӧтлӧ-ӧ, корӧ? Сулала... Оз тувччав кокӧй... Ме вои.
Гижысь: 
Гижӧд
Зэв джуджыд кынмӧм из нӧрысъяс вылӧ...
Жанр: 
Гижан кад: 

lkejrlkelkrgner klrjnelknfrkl ekjnrjkenfrej

1