ВЫЛЬ ВОКӦД ПАНЫД
Думъяс
Медбӧръя минутъяс олам кызь кыкӧд волысь… Сьӧлӧмысь виччысям-корам выль чужан воӧс… Минут-мӧд кольӧ, да чегӧ шӧрипӧв кадыс… Видзӧдам — муртса нин легӧ важ волӧн лолыс. Мый эськӧ виччысьныс?! Да мыйкӧ тай пыр со мортыдлы колӧ, Пыр сійӧ виччысьӧ долыд (Асьным нӧ сӧмын тай тырталам во лыд). Олам — пыр важ моз на, лёка, важ олӧм бытӧн — Гудыра, пемыда, пежа, енмӧн да чӧртӧн… Виччысям. Мый бара лоӧ-а муыскӧд аскиа лунӧ? Гашкӧ нӧ, шондіыс, кодзулыс усьӧ… пасьмунӧ-жугалӧ ставыс?! Виччысь кӧть эн. Нинӧм оз ло! Сӧмын тай часі дас кыкысь тоньгас, важ волысь шойсӧ гу дорӧдз колляс… Нӧшта на миян нэм ӧтчыд кытшовтіс Муыс. Кытшлалӧ, оз сувтлы ньӧтчыд, оз ылав туйсьыс. Сё миллён вояс нин ветлӧ, пыр ӧтарӧ бергалӧ-мунӧ; Шондіыс сійӧӧс кыскӧ, сьӧрсьыс пыр новлӧдлӧ-нуӧ… Сідз жӧ ми, ёртъясӧй, шондіыс бӧрся моз Югыдлань, шудланьӧ кыссям… Но кывзыштлӧ, энлӧ! Петук нин чуксасьӧ, кылӧ. Воис тай воыд… Важыс нӧ коли зэв ылӧ!.. Выль воӧн тіянӧс, ёртъяс! Выль олӧм бытӧн! Выль ногса олӧмӧн, вокъяс! Квайтӧд Гӧрд Октябр воӧн!
Гижысь: 
Гижӧд
Выль вокӧд паныд
Жанр: 
Ӧшмӧс: 

lkejrlkelkrgner klrjnelknfrkl ekjnrjkenfrej