ВӦЛЬДІНСА АСЫВ
Веж асывводз. Куритчан пешта Да тшайторйӧн пытшкӧсӧс весала. Дзар шондіыс Лютоев весьтын Сюрс синлыска чужӧмсӧ пестӧма. А батьӧлӧн гӧрбыльтчӧм другыс Пыр важмоз на косаӧн ӧласьӧ. Яр петукыс чукӧстчӧ другысь (Дзик медбӧръя, гашкӧ нин, вӧлӧсьтас). Тадз дас во и кызь сайын вӧлі, Но вежсьӧма, уна нин вежсьӧма: Пыр воддза моз шыннялӧ тӧлыс, А мир туй со битумӧн эжсьӧма, И гычьяса Кывтыдоль арай Кос, турунтӧм видз шӧрӧ вошӧма... Ме ылалі важӧн нин карӧ. Эг казяв, мый важ олӧм потшӧма. А потшӧс, кӧть коста, да джуджыд: И кольӧмыс тыдалӧ ясыда, Да сӧмын он косӧд ни уджӧн, Ни вежӧрӧн медводдза асывсӧ.
Гижысь: 
Гижӧд
Вӧльдінса асыв
Жанр: 
Гижан кад: 

lkejrlkelkrgner klrjnelknfrkl ekjnrjkenfrej