ВИТ ТОПОЛЬ
Батьыс-мамыс быд пи чужӧм бӧрын Ӧшинь улас садитлісны пу. Вашкӧдчисны топольяс сад йӧрын, Гажӧдісны-вӧччӧдісны му. Топольяслӧн вожъяс моз жӧ пиян Быдмисны да верстяммисны пыр. Олӧмыслысь ӧдсӧ он кут киын, — Ӧдйӧ кывтӧ гажа челядьдыр. Сэксянь тырис вӧрӧн уна ордым, Парма шӧрысь косьмис уна ёль. Вит пи пӧвстысь некод абу гортын, Мамӧн шуысь керкаӧ эз коль. Кымын во нин пияныс со туйын, Коляс ещӧ уна-уна во, Уна берег кырас Эжва юным... Вит пи пӧвстысь некод нин оз во. Мамлы медся уна вичмӧ-кольӧ: Усьӧм йылысь юӧр, курыд шог. Ӧшинь улын шӧпкӧны вит тополь, Быттьӧ орччӧн локтӧны вит вок.
Гижысь: 
Гижӧд
Вит тополь
Жанр: 

lkejrlkelkrgner klrjnelknfrkl ekjnrjkenfrej

1