ВАЖ ОЛӦМ ВЕЖСЬӦ
Быдлаын дзик быдтор вежсьӧ, Выльтор локтӧ, важыс вешйӧ, — Бӧрӧ кольӧ, вунӧ. Кад оз сувтлы, водзӧ мунӧ. Олӧм вежсьӧ лунысь-лунӧ, Водзӧ пырӧ, сунӧ. Воысь-воӧ йӧзыд сюсьмӧ, Вежӧръясыс налӧн ёсьмӧ, Син водзныс век ыдждӧ. Важ морт вӧлі лёка олӧ, Сылы гежӧда гаж волӧ, Йӧзыс енмӧс мыждӧ. Енъяссянь пӧ татшӧм олӧм, Миян вунӧ наысь полӧм, — Кысь нин бура овны. Колӧ кевмысьны зэв ёна, Налы козин вайны уна, Бура олӧм корны. Олан ногыс — муын, ваын, Дзик ӧд ставыс енъяс сайын, — Выныд налӧн помтӧм. Выль йӧз тадзи оз нин шуны, Козин енъяслы оз нуны, Кевмӧм ӧні тӧдтӧм. Весиг некодысь оз повны: Кужӧны кыдз колӧ овны — Сюсьӧсь выль том войтыр. Асьным кӧ пӧ огӧ мырсьӧй, Некор ог аддзылӧй бурсӧ, — Ас сайын пӧ быдтор. Став лёкторсӧ, важсӧ бертам, Мый эм пежыс — нетшкам, бертам, Олан ногсӧ вежам. Небесаӧ огӧ кайӧ, Сэтысь райсӧ муӧ ваям, — Йӧй туй вывсьыс кежам. Ӧні велӧдчыны босьтчам, Юр садь ассьыным ми восьтам, Кутам быдтор тӧдны. Кор ми надейтчӧмысь дугдам, Сэки вӧлись, вокъяс, кутам Кокньыд уджӧн пӧтны.
Гижӧд
Важ олӧм вежсьӧ
Жанр: 
Ӧшмӧс: 

lkejrlkelkrgner klrjnelknfrkl ekjnrjkenfrej