ТӦВСЯ ТУРӦБ ВОЙӦ
Пемыд... Кӧдзыд... Лымйӧн тыртӧ — Ывла вылын ыджыд тӧв. Лымсӧ посводзьясӧ пыртӧ. Помся камгӧ ӧдзӧс пӧв. Оз и лӧньлы, тӧв пыр ӧддзӧ: Керка вылысь нетшкӧ тьӧс; Лымсӧ гартӧ, нуӧ водзӧ, Кисьтіс, кылӧ, чипас пес. Пукалам ми пӧчкӧд кыкӧн Паччӧр вылын шы ни тӧв. Гӧгӧр ывла тыри зыкӧн: Ёна шутьлялӧ вой тӧв. Пӧчӧ печкӧ... Чӧрсыс швыргӧ. Ме сэн вӧча сюмӧд доз. Керка вылын жбырган шаргӧ, Карта сайын шувгӧ коз. Пӧчӧс тӧлыд сьылӧм шыӧ Регыд босьтас вугыр-дзӧр, Коркӧ, недыр овмысьт, кылӧ Торскас-усьӧ кисьыс чӧрс... Сэсся, пӧчӧ ланьтӧм бӧрын, Кутас кажитчыны мем: Быттьӧ кылӧ сьылӧм, бӧрдӧм, Быттьӧ кодкӧ нявзӧ сэн... Син оз куньсьы. Дыр ме ола. — Оз нин кольлы тайӧ вой! Мем зэв гажтӧм... Ме зэв пола... — Пӧчӧ, шебрӧд менӧ вай!
Вуджӧдысь: 
Гижӧд
Тӧвся турӧб войӧ
Жанр: 
Ӧшмӧс: 
Оригинал гижысь
Пушкин Александр Сергеевич

lkejrlkelkrgner klrjnelknfrkl ekjnrjkenfrej