ТОМ НЫВЪЯСЛЫ
Гӧгрӧс чужӧмъяс, вира чужӧмъяс, Гора гӧлӧсъяс, гажа серамъяс Мича нывъяслӧн. Ӧтчыд лолӧны, регыд бырӧны, Кыдз тай дзоридзьяс, регыд косьмӧны — Арын киссьӧны. Сідз жӧ серамныд регыд бырасны, Вира чужӧмъяс кельыд лоасны, Гажъяс вунасны. Сьылӧй, гажӧдчӧй кыпыд том кадын, Кужӧй овнытӧ дзоридзалігад, Шоглы эн сетчӧй. Мунӧй йӧз дінӧ гажа сьӧлӧмнад, Найӧс гажӧдӧй сюсь том вежӧрнад — Уджсӧ кокньӧдӧй! Энӧ повзьӧй ті пемыд йӧзъясысь, Энӧ пышъялӧй налӧн шогъясысь, Курыд шогъясысь. Том бур вынйӧрнад уджӧ кутчысьӧй, Мелі сьӧлӧмнад шогъяс бурӧдӧй, Гажсӧ петкӧдлӧй. Ичӧт челядьӧс бура велӧдӧй, Выль ног олысьӧс наысь лӧсьӧдӧй, — Важсьыс мездӧдӧй. Овны ӧтувйӧн найӧс велӧдӧй, Зыксьӧм-пурсьӧмысь дзикӧдз ӧлӧдӧй, — Мортӧ воштӧдӧй! Мича нывъясӧй, вира чужӧмъяс, Гажа серамъяс, мелі сьӧлӧмъяс, Гажа уджалӧй!
Гижӧд
Том нывъяслы
Жанр: 
Пасйӧд: 

Сиӧма педагогӧ велӧдчӧм том нывъяслы.

lkejrlkelkrgner klrjnelknfrkl ekjnrjkenfrej

1