ТӦЛЫСЬ ВЫВСА НЫВ
(Мойдан кыв)
Керка стенӧ кӧдзыд швачкӧ, Зэв ӧд сійӧ лёк! Тӧлысь югӧр синмӧ вачкӧ — Менам ун оз лок. Пукала ме ӧшинь дорын, Кывза мамлысь мойд: Кыдзи овліс сьӧд вӧр шӧрын Детина ме кодь. «Мамӧ, мамӧ! Тӧлысь вылас, Дерт, ӧд кодкӧ эм. Ещӧ карнан пельпом вылас... Код нӧ, код нӧ сэн?» «Коркӧ, пиӧ, зэв нин важӧн Овліс мича ныв. Олӧм сылӧн эз вӧв гажа, Эз кывлы бур кыв. Коньӧр томӧн мамтӧг коли, Вӧлі ичиньводз. Уджалӧ дыр рытын вӧлі, Асыв чеччӧ водз. Кедзовтіс зэв ёна ичинь, Видзис понйӧс моз, Ныв век кывзіс, индіс кытчӧ, Вермӧ кӧть и оз. Коркӧ ӧти пӧра вӧліс — Татшӧм кӧдзыд вой. Ичинь нылӧс вала ыстіс: Лэччыв пӧ, ва вай. Лэччис сійӧ юкмӧс дорӧ, — Босьтіс нылӧс шог: «Татшӧм олӧмсьыс пӧ бара Коркӧ мынла ог? Тӧлысь вылас кӧ ме верма, Ог мӧй эськӧ кай? Тӧлысь, тӧлысь, тэд ме кевма: Босьт ас вылад вай! Ичинь менсьым вирӧс юис... Тӧлысь, кылан он? Тӧлысь нылӧс кывзіс, босьтіс, Ӧні ныв век сэн. Кутӧ карнан пельпом вылас Быттьӧ катлӧ ва. Олӧ ныв сэн, тӧлысь вылас, Зэв нин уна во».
Гижӧд
Толысь вывса ныв
Жанр: 

lkejrlkelkrgner klrjnelknfrkl ekjnrjkenfrej

1