* * *

Тэ локтін войнас
Дзикӧдз кӧтасьӧм,
Зэв гусьӧникӧн
Меӧ вӧзйысин.
Тіралін кынмӧмсьыс
Да полӧмсьыс.
Чайтін, мый важӧн
Колин олӧмсьыс.
Чайтін, мый тадзи
Оз нин корасьны.
Тэ мыкталін,
Быд кывйын сорасьлін.
Ме чӧв олі
Да помся бергалі,
И мекӧд кывтіс
Крӧвать-керкаӧй.
Дзик асъядорыс
Муртса ойбыртлі
Ме тэнад юмов вира
Сойбордад.

И коймӧд лун нин
Шудӧн сырма,
Мый менам,
Менам лоин,
Кывбур...