* * *

Талун ывла кага дум кодь сӧстӧм,
Енэжлӧн лӧз рӧмыс юӧд кывтӧ.
Эжва вылын шонді бипур ӧзтӧ,
Ныв-зонмыскӧд радӧсь джыдж и пыста.

Нюжӧдчӧма видз крут берег дорӧдз,
Коса шыысь чуналӧма пельыд.
Гӧгӧр дзоридз. Гыалӧ шӧвк дзоридз —
Ясли-садйын быттьӧ варов челядь.

Рытгорулын юргӧ гажа сьылан,
Йӧлӧгаӧн лэбзьӧ Эжва пӧлӧн.
Том йӧзыслӧн сьӧлӧмысь ме кыла,
Кыдзи тіпкӧ гожӧмлӧн пӧсь сьӧлӧм.